Wo ratri ki nistabdh kahani. Ratri ka her prahar jaise ardhkhuli kahani sonata hain aur har aane jaane waale aangantuk ke aahat ki awaz sonata ho jaise. In awazo ki ek aisi lahar daurti hain sarir mein jaise barf ki silli ko sarir mein rakh diya ho. Jab har jagah se mayush hokar koi lautta tha to wo us prtima ke paas baith jaata tha.
Sab saant jaise wo parihaas karta ho wo har aagantuk ka jo khood ko usse bara samajhta ho. Har raat ki kuch alag kahani. Koi uske niche paani peene aata tha koi madira pine koi thook ne. Wo mukdarshak ki bhaati ye dekhta rehta tha .
Ek din Chiriyon ne aankar ghoshla banaya us pratima par. Chiriyon ne kahan khood se kiski hain wo pratima jo is nistabdh ratri mein hum logo ka nimantran kar rahi hain aao mujhe gale lagao. Swarthy chiriya pratidin aati aur hasti kyun tum mujhe itna pyaar karte ho. Tum jab jinda the tab tumhare adarsh ko sab mante the aur kuch nahin , aaj tum jinda nahin ho phir bhi tumhe roj marna parta hain. Tumse to mein hi jaanwar bhali hoon jiska koi adarsh nahin jo sirf jiti hain khane ke liye.
Chiriyon ne kahan chalo kahin door chale aur us pratima ko usne ganda kar diya apne mal mutra se
Is tarah har swarthy jeev aata auur usko ganda kar deta. Wo pratima jo kisi ka roop hain wo to us din mar gaya tha jis din usne apna deh tyaag kiya tha. Par pratima banker to use roj marna par raha hain.
Kya wo pratima poojne ke layak thi ya wo golambar mein khari hokar sirf pratima banana ke layak thi aur ganda karne ke layak.
Har din use ye smaran karna parta hain ki jab wo jeevit tha to usne kuch mahan karya kiye hain jiske kaaran use aaj ye din dekhna par raha hain.
