Kuch bhavnaye kabhi bhi jaati nahin kyunki unka bistar simit nahin hota wo to asimit hote hain. par bhavnao ke jaal mein kyun phasa jaye. Jo aaj aapke liye aapke bhavna ke liye sammohan ka kendra hain wo kal nahi bhi reh sakta . jeevan mein kuch achuta nahin hota jo hota hain wo bishtaar hota hain. bhavna ka bishtaar jitna badega utna hi dukhad bhi hoga kyunki jab aap jaise ek jaanwar ko palkar apni bhavna ka bishtaar karte hain tab apke liye yeh kathin ho jaata hain ki yeh bandhan kab tak nibhaya jaye. Bhavnao ki rooprekha bhi alag jaisi hoti hain jo smriti mein aati rehti hain jab koi cheenz apko pasand aa jati hain chaye wo khooch bhi ho uska saamohan se apke adhe mashtik ke bhaag se rasayan nikalti hain jise apko khushi hoti hain usi khusi ko pane ke liye aap us bashtu ya jeev ko dekhne ya paane ke liye prayatna karte hain is dohrane wali prakriya se apko khushi hoti hain par jab yeh prakriya apko khushi dena band kar deti hain baar baar dohrane ke kaaran tab aap par us jeev ya bashtu ka sammohan khatm ho jaata hain.
Bhavna mashtisk mein biche rasayno ka jaal bhar seemit hain yeh bhi samuchit tarah se keh nahin sakte.
Kyunki kuch bhavnaye paryapt tarike se apryapt rehti hain jaise ek bache aur uski maata aur pita ke sang uska rishta kyunki mata pita ke mashtisk mein nikalne wale rasayan har baar apryapt rehte hain uske maata pita ke liye. Is tarah ki asadharan ghatna ko manushya ne bahot sadharan tarike se biksit kar liya hain kitne yug se. har bhavnao ko pechanna aur uski nakal karna koi bacha bachpan se apne mata pita dwara pradarshit bhavnao se sikhta hain jaise koi mata pita ugr aur jhagralu swabhav ke ho to unke bache bhi yeh sikh lete hain
Bhavnao ki alag duniya hain jo yugo se badalti aa rahi hain jaise jaise samajik sanrachna badal rahi hain har samaj ki kuch apni bhavnae hoti hain bharatiya samaj mein churi aur sone ke gahno ke liye kuch adhik bhavnaye hain usi tarah anya paschimi sabhyata mein heero ke liye jo unke bibah mein ek avashyak bashtu hain
Naari aur purush ki bahbnaye bhi unke rehan sehan ke tariko se ek kram ka roop leti hain.
Bhavnao ka ashankhya jaal mashtisk ko sucharu roop se bhi chala sakta hain aur uske bightan ka bhi karan ho sakte hain. jaise har bhavna ko sanchit karna mashtisk ke liye jaroori nahin usi tarah agar sab bhavnao ko mashtisk bhool jaye to ek bimari ka roop la leti hai jo smriti ko lupt karti hain jise parkinson ya alzhimer kehte hain.
Kuch desh ke log kuch adhik bhavnapradhan hote hain jaise bharitya aur chini jyaada bhavna ko prathmikta dete hain jaise unke shastriya nritya mein bhao bhangima ko jyaada darshaya gaya hain.
Bharat ke hi ek sehenshan ne bhabna mein behkar tajmahal banbaya aur kahaan jata hain kitne mazdooro ke haath katne pare. Paschimi sabhyata mein bhi iske karan kitne atyachar hue jaise roman samrajya ke yodhya apni bibi ke yoni sthal par lohe ka kawach ko tale mein baandh kar chale jaate the taki koi aur purush unhe haath na laga sake. Bhavnao ke jaal mein adhiktar nari ko hi khamiyaja bhugatna para hain kyunki jab dange phased hote hain kisi dharm ke naam par tab adhiktar auroto ko hi nishana banaya jaata hain.
Manushya bhabna mein phasne wala pashu bhi keh sakte hain ya usko kaabu mein rakhne waala jeev yeh to sabki apni alag alg bichardhara hain
